tamdyazt n tuzzalt

a kullu ur nfl agharas igh ur llan idukan

a kullu ur nfl akal igh ur gaddan idrefan

a kullu ur nfl awal igh ur llan izerfan

nusid anmmal tnnam taguri nu ferghnt

mzalaln imasn iga uderf nnun iguran




han a tafukt mlad is tllit s lmal

war yat karad ur izrra tifawin

zund nttan zund aduku ismlsasn adar

aynnas fllas ttakeln art imdda ugharass

zund nttan zund tiram afzaz asers ikeln

aynna satn ismuttuy ils axs ar izzad

skern gid abukad mkkar a zrran

madas ukrn d mamun akkan

ghrsnitas mdlntin ur isshl yan


ar kighd tusi tuzzalt lhaq atsawal

wa afus n lghdret nkkatn wa flan immut

wa nga tinigit asyi rak nmmal

kullu man tmnid ayligh ityasay iman


ar tga tuzzalt asafu ur sensan waman

ar sul iga laz asafar n tiram

yudak ayadar gh izmuzzal igh trmit

fkanak midn tazayt tirit a tasit

yudakn a ixf gh isumumyn igh tudent

tjlayawn tumert attan ayad tufit