lwerd

nekki ya uzun lwerd as kullu kkigh akal
a inna gh tufigh aDu nes a yyi-t immalan


a inna gh tufigh aDu nes a yyi-t immalan
ad ak ay ajeddig isker rebbi ttawil
hayyi àla LLah ndella ixf inu serk
imer rebbi a ukan nzzenz rrxa nasi wayyaD
imer rebbi ann ggik mnaggarn ay asif aman
imer rebbi ad kullu sahelnt a(d) ur yaHl yan
imer rebbi ad yawi ssaàd nes i kuyan d lxir

hayyi àla LLah ngann tiTT f licarat
ini -d ighwli udad iSHa nra a ten nut
ini d uccn ad n tagant fkigh asen laman
imun ifka tabrida fkigh asen laman
n sidi nnbi mohamd ur-t ikkat uSiyyaD

a imi inu igh a tenDamt ara luH awal
rZem tibratin, meden fkasen luSyyat
a-ten tamZen willi dagh lanin làaqul
ur ra jju laH i bab n làaql luSiyyat

ikun a lmujjaribin mas ittafa yan
lmuHibt n walli gh urta isker lxir
liqamt a st izzur yan i taZallit
ghikan d lmaHabba zzwar asent lxir
a laman d lmaHabba lxatem ka gh imun
ur ann izray aDaD acku isker fellas

illa ya uDar inu gh lxla yan agharas
yili ya ufus inu gh leHma yan aSemmiD
ghikan ad gan laHbab ur xiSSin ula llan
igh nHasb imddukal s imi ciDn nit
ass nna gh ten nHtajja ur a nettafa yan

aHH inu nga tayyuga mciriken mennaw
yan ar gigengh mggern yan ar issufuf
a yan ar-d ittujad i rrwa urta qqurent
a yan ar-d ittujad lHmul ad tent asin

a tent isti rebbi day sent ilan lHil
ur igi usawn mad-d itZiyyar igh rmini
immenàa usawn i uDar immenàu wawal
immenàu SSwab netta d lquran ad-t igher yan
akuray n ulmmud irwa igh t icca yan
walaynni dar TTelba ngh willi-t urunin
igh ur irZi ixf ijji ur a iqqway awal
igh idda ar-d immrz ijji kra tennit ighwit

igh ira kra ad-tent ibbi rxunt, yan iran
a tent ignu labud at xaSSin ifalan
igh ifulki i yan igiwr ur a ten ttirin
igh idda ard irin igiwr ur-t sul ufin
a nini rja-f-LLah ur sul illi laman
ula llan midden mad ittmun a xuti yan

ut ukan gat i lmdert mkenna tufit
ut awal gh ufella bbi imik tfelm imik
ut awal gh ufella g lHam i terZiwin
imeTTawn akk ilazemn macc ur a tallat
a wad a izzuzern aga s wanu laH aman
ukan ar gis ittagwm kra netta s ufus
iqqur uZru macc ad ak melgh asafar nes
a gis nekks azemz idum yan tneqqirat
igh ur irZi labudd n kra n tgharasin

a yallah-du yallah igh tiwent i wawal
ukan ar telkkemt tid a ur ilin asafar
ula lant làadad rebbi sserxu fellagh
ajjagh a flan ur gigi kra ismussu yan
ut ukan gat i lmedert mkenna tufit
ajjagh a flan ur gigi kra ismussu yan

a termi ukan tserdunt asawn telkemt
awal ur gis issugr yat ula akuray
termi s uHlays mradd acwari terxa nit

ad ak nefk lmufid iSHan igh a ttamenm
làaqqel nek ar ittuzan kullu lumurat
n ddunit mamenk ad angh ur issiHel yat
ini d uckigh nekki d ixf inu nnigh ukan
iggut lhna ghaSSaD igh tumZt agharas
wallaynni hati ga(n) igharasn mennaw
a walli gh tella tamdayt ur ten issen yan
ad ukan tennit nga iDarren gh ugharas
sigh ak yut lmendaf aDar igguran
meqqar akkw da iTbibn n àecrin ula xemsin
a yan irZan ttyagasn illa gh lxaTar
tiggas n uzemz-ad a(d) ur ilin asafar
ula liJbar ini d umZent aDar i yan
ur illi abla SSber iggutn ar-d tent ighenm
ilemma igelb (?) azemz ikks ukan i tiyyaD
add ur ibder yiggig iftu ka gh lghalaT
imma baàda igh yad isker tSHu fellas
ass ann izrin igh njemn ur ten issen yan
ass ann itghwi labudd a tent akkw ighenm

nekki ya uZur lwerd as kullu kkigh akal
a inna gh tufigh aDu ne