الى عشاق الامثال الشعبية المغربية الأصيلة ديال جدودنا اهدي هذه الورود من الثرات المغربي

أمثال الشعبية المغربية





قالو الزمان


الدجاجة غسلت رجليها و نسات لي داز عليها.
شد حمامك ادريس طار و خلا ليك غير الريش.
ما يشكر عروس غير امهاأو خلتها.
الزين عندنا سلالة من العمة الخالة.
كفي برمة على فمها تطلع بنت المها.
وريه وريه ويلا عمى سير وخليه.
قالو أش خصك العريان قالو خصني خاثم.
اعطيناك تكحل ليها ساعة عورتيها.

الشي من الشي نزاها و شي من قلت شي سفاها.

.بني وعلي وسير أو خلي



قالو الزمان

معرفة الرجال كنوز.
الفراق مبعوت بالحي او بالموت.
يلى شفتيهم دورو علينا عرف حاجتهم فينا.
اللي زرع الشوك تيحير فاحصادو.
اطلع تاكل الباكور انزل شكون قالهالك.
دوام الحال من المحال.
حوتة وحدة كتخنز شواري.
العمش فدار لعمى بعينيه.
الحر بالغمزة و العبد بالدبزة.
ما من بعد الشدة غير الفراج.
دير النية و انعس مع الحية.
يلا درتي بحالك بحالو باش فتيه.
اللي تيتسحر مع الدراري كيصبح فاطر.
حاول على حميرك تحج عليه.
اللي فاتك خليه لبناتك.
الله ينجيك من المشتاق يلا فاق.
دوز على الواد الهرهوري و لا دوز على الواد الساكوتي.
مول لتاج كيحتاج.
اللي عضو الحنش كيخاف من الحبل.
خدم يا التاعس على لناعس.
اللي كيربي ولاد الناس بحال اللي كيدق الما فالمهراز.

آ المبيض من برا آش خبارك من داخل؟
اللي حب الصح يمشي للقرويين.
آش خصك آ العريان؟ الخاتم آ مولاي.
آ الشاري تفكر يوم تبيع!
الثلث الخالي في الدنيا هو راس بنادم
قال له: آش صنعة باك؟ قال له: نفار. قال له: حمد الله على رمضان تقاضى.
النهار بعويناته والليل بوديناته.
إلا فاتك الطعام، قل شبعت إلا فاتك الكلام، قل سمعت.
نهيه، نهيه، إلا عما سر وخليه.
إلا طردك البخيل، عند الكريم تبات.
المرا اللي تطوف ما تغزل صوف.
لا خير في المرا اللي تجول ولا في الرجل اللي ما يجول.
ما بعد الأم حبيب، ما بعد الجوع طليب.
اللي ما عندها بنتها تدفن راسها في حياتها.
إلا حلفوا فيك الرجال بات ناعس. إلا حلفوا فيك النسا بات فايق.
كيد النسا قوي وكيد الشيطان ضعيف.
كل مرا راقدة على حجرة وذليلة النسا هي اللي تقول "أح".
اللي شتيها بسعدها اعرف كاتكمل من عندها

طاعة النسا كاتدخل للنار

شاور مراتك واعمل ريك، شاور مراتك وخالف ريها.
حلفت العروسة ما تحب الحما حتى تبياض الفحمة.
الحما وجه الدلو هي حرة وولدها حلو.
النوطة كا تحب النوطة غير حمقا أو مزلوطة.
المرا كاتهرب من الشيب كيف النعجة من الذيب.
اللي كايعمله يبليس في عام كاتعمله العكوزة في ساعة.
إلا شفتي الشارفة بالتصبيح اعرفها شيطانة بالتصحيح.
للا زينه وزادها نور الحمام للا مليحه وزادتها الترويحه
الزين الفاخر، الشفايف والمناخر
الزين زين ورده، والسعد سعد قردة
كال لو آش المعمول يا قاضي فعيشه، كال لو طلقها وانا ناخدها.
فين يماك أجحا؟ مشات تصبن وديالها؟ كرات عليه
راكب على حمارو، وتيقلب عليه
ماشيه لعند المطلقه تسحر لك.
كن كان الحمام يبيض، كن بيض قبابو
سل الحاجبة توريك
ماتت الخادم د القاضي فالعزا ما بقا حد، مات القاضي ماجا حد.
فين ما تشوف الطويل كيجري، اعرف القصير مسخرو.
ثلاثه د المطارق غادي يحمقوني، ما عرفتش آش نلقى ليهم: طامو تقول قْيِّمْ أو طْلاَقْ، ربي يقول صلي أو نْحْرْاقْ، المخزن يقول خلص أو نْشْنَاق.
لو كان نخافو من النعاج ما نلبسوشي صوفها.
كال لو أنا عبدك، كال لو زيد بنا للسوق
عطيني فمك ناكل به الشوك
عطيني حمارك نحش عليه لحماري
أجي يا مي نوريك دار خوالي
إلا عييتي أميمونة أجي تنقلي الحجر
خودو يا ولادي خبزة خبزة وعطيو لباكم نص نص.
يصبر مول الغاسول
إلا فاتك الكار شد فالمزرار.
ملاغة بْلاَّرجْ جا يضحك مع ولدو عَوْرُو
كان راجلي وصبحت نعشق
اللي خلاه الجدري، كملو بوحمرون
المذبوحه عيرت المسلوخة كالت لها: يا مقطوعة الراس.
بغا يضرب الكرمه، خطا الجنان
حيدو من اللحيه ودارو فالشارب
حتى شاب عاد دارو لو لحجاب
عيشه عند الناس، والنسا عند عيشه
عندك شِي دْمِيعَاتْ زايْدين كَرْكَبْهُمْ لِيَّ
أنا وحْمَاتي كَنْبْكِيوْ مْنْ عَيْن وَحْدَه
الله يرحمني عاد يرحم والدي.
حتى في الحْمّامْ مْرُوبْلَة، لا طَاسَة، لا مْشْطَه ولا غاسُول
بحال الخياطة الحمقه، فين المقص، فين الحلق
السوق حامي والدّْلاَّلْ رامي والشاري عْوْرْ
الحنة حْرْشِة والمَاشْطَة عَمْشَة والعروسة فيها بُوهْزْهَازْ.
فالخْلْطَة والزّحَامْ جابو القاضي يَتْخَتَّنْ.
إِلاَ الضّبْعْ وَلَّى حَجَّام، حَتَّى البُومَة تَرْجْعْ طْبِيبَة
وَاحْدْ كَالْ الفُولْ وْوَاحْدْ تَنْفْخْ بِهْ.
الكْنَازَة كْبِيرَه والْميتْ فَار



سَيْفْطْنَاهَا تْجِيبْ الْقَصْبُورْ، جَاتْ حَامْلَة بَسَبْعْ شْهُورْ.
مَامَاتْشْ غِيرْ خْرْجُ مْصِيرْنَاتُو
مَاكَايْنْ وَالُو غِيرْ مْرَا غَرْقَاتْ
كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة.
لاَ وْجْهْ لِلسَّعَايَة، لاَ دْرَاعْ لِلْخْدْمَه
مْشَا يَخْطْبْهَا لُو دَّاهَا لُو
الرَّيْ دَبَّا عْمَّارْ، بَاعْ الدَّارْ وْشَرَا الْحْمَارْ
الفْقِيهْ الِّلي كْنَّا نَرْجَاوْ بَرَاكْتُو صْبْنَاهْ فِالجَّامْعْ يَشْطَحْ بِبَلْغْتُو
سيدي الفقيه يْدُّو فِالدَّوايَة وعَيْنُه تَتْغْمْزْ
الفقيه حُمْيان قْرَا فَالْبْرَا سَبْع أيَّام وقالْهُم هَذْ الخَطْ عْيَّانْ.
صْلاَةْ القُيَّادْ الجُمْعَة والْعْيَادْ.


عِيشَه تْبِيعْ الزِّيتْ، وحْمُّو ناعْس فِالْبِيتْ
عْطِينِي بْنْتْك، وْزِيدِينِي عَوْلَتْهَا كَّمْحْ
الله يْجِيبْ اللِّي يَحْسْنْ بِنَا، يْعْطِينَا بْنْتُو وْيَخْدَمْ عْلِينَا
النِّاسْ كَتْغْلْبُو وْهُوَ كَيْغْلْبْ عَيْشَه خْتُو.
اللِّي خَانْهَا دْرَاعْهَا تْقُولْ مْسْحُورَة.
النَّاس فِالنَّاس والْقَرْعة فْنْتِيفْ الرَّاسْ
عَشْرَة دْالْعْسَارَى مَا يْكْتْفُو شِي الدْجَاجَة
كُلْ فُولَه خَامْجَة تَيْجِيبْ لِهَا الله فَرُّوجْ عْوْرْ
اللِّي طَيْبَتُو الْعَمْشَا، يَاكْلُو رَاجْلْهَا.
بَشْحَالْ الْقَوْس أَمُولْ الْقَوْس؟ دَابَا يْحْيِيكْ الله وَتْشْرِيه بْلاَ فْلُوسْ.
الزَّلْطْ والتّفْرْعِينْ بْحَالْ دَبَّانْ الزَّبّابْلْ
الكَيْ فَالبْغَالْ وَالْحْمِيرْ مَالْهَا تْزَعْرَطْ
وَاشْ الْحْمَارْ كَيْعْرَفْ مُولاَيْ ادْرِيسْ
لُوْ كَانْ الْخُوخْ يْدَاوِي، يْدَاوِي دُودُو.
كُولْ التّبْنْ وَامْسْحْ فُمّكْ بالسّمْنْ وْدُوزْ عْلَى عْدُوكْ مْصَبَّنْ
عَلّفِيهْ عَامْ مَا يْشَبّعْكْ لِيلَة
الثَّوْرْ الْعَيَّافْ يْشْرْبْ الْغَيْسْ
الْمَدْسُوسَة تْهَرَّسْ الْمَحْرَاثْ
مْشِيتِي عِنْدْ الْبَايْرَة تْسْحْرْ لِيكْ
لِوْلْدَتْ لِيهْ مُّو فْغُولْ مَعَنْدْ بُوهْ مَا يْكُولْ
لولدت ليه مو فغول معند بوه ما يدير
فْعْشّنَا وَنْشّنَا
فْعْشّنَا وْجْرَى عْلِينَا
لو فيها خير ما رماها الطير
لا خلاص الحمام لا كسوة العيد.
السرج المزيان هو اللي كايسوسو مولاه
جلدا وما يندا
الكيس ف الرجال ميزانو عينيه
خاتم وحدة ما تروم لجوج صباع..
عشرة في عقل.
كلامكم يا البرابر قولوه وعاودوه.
لو كان غير بالدعاوي، كون بياض الكناوي.
على قلة الوالي، نقول للضراوي خالي


بحال اللي كايحسن لولاد اليهود لا أجر لا منفعة
بحال مزلوط اليهود، لا دنيا لا آخرة.
جا لوسط الملاح، وقال ألعاشقين في النبي صلوا عليه.
سير مع اليهود، وخلي الجيران شهود.
مات يهودي في الملاح.
كل طعام اليهودي، ونعس فـ فراش النصراني.
الثقل والعقبة والحمار يهودي.
الربعة د اليهود.
خسارة فاليهودي عينيه.
بحال مقابر اليهود، البيوضا وقلة الرحمة.
عندها ساق عجمية، وسالف يهودية.
طاحت البصلة في الملاح.
بحال عاتق اليهود، زوجوني ولا نسلم.
بحال اللي دافع اليهودي للجامع.
السراغنة قل الناس، ومسيوة قل وقل.
من بني مرين وبني وطاس، ما بقاو ناس.
الصغير فيهم كايعمي، بحال أولاد ابن الاحمر.
جا لبلاد فليو، وامرض بالرواح.
بحال اللي كايخو الما على القرعة.
بحال اللي كيعطي الجوهر للدجاج.
الله ينعل اللي يتيق، حتى فخوه الشقيق.
طبيب سلاوي، ما يجرح ما يداوي.
بالحفا والجفا، بحال خدام الشرفا.
طاجين الشمايت، النصبا وقلة ليدام.
خلي الزنا والسرقا، ودير مابقا.
دير ما دارك جارك، ولا بدل باب دارك.
حط حمارك مع الحمير، يتعلم الشهيق والنهيق، وخرجان الطريق.
بحال العجوزة، إلا ما هدرات تهز راسها.
تيقرا البرا من قفاتها.
حسن ليه بلا ما.


خسارة على النوار فالدفلة، والدفلة مرة.
احمر يا المشكورة، دبحو الجرو وصلاو على الهيدورة.
الحر بالغمزة، والعبد بالدبزة.
اللي حب الخدم، لا بد يندم، لا سيفة زينة لا قلب مسلم.
الشلح إلا تبلد، بحال البندير إلا تجلد.
بحال مول الفران، وجهو للنار، وظهرو للعار.
الهدرا بلا زيادة، بحال الموت بلا شهادة.
الخادم باللثام، بحال الحمارة باللجام.
السوسي المرا والتجارا، العروبي المرا والحمارا، والمديني المرا والخسارة.
طاح الحك فالما، وصاب غطاه تما.
داقو سعيد، وجاه لذيذ، وحلف حتى يزيد.
الشاشية قد الراس.
قال الفيلالي، ولو طارت معزا.
على من كتقرا زابورك أداود.
إلى شبعت كل الرمان ويلى جعت كل الرمان
الضر المنعوت اللبن والحوت
طيب الباكورة باختها
الدراري ما كلتهم تجارة وكسوتهم خسارة
إلى روات الصحرا الله يهنيك آلغرب
إلى صبت في الليالي افرح يا عيالي
إلى هاج البحر كيعيط للشتا
اللي بغا الوضوء الدايم يتوضا بالما السخون في الصمايم
شاري من تحت شاري من سخط الباري
الضَّحْكة فيكْ أ الجّْمْلْ أ مولْ لْحْدْبَّة

حاسْبْ راسْكْ سَيّْدْ عْليه قُبَّة

.احْدْرْ عينْكْ أو ماتْحْدْرْ راسْكْ

دارتْ الحجابْ غير باش تْغطِّي الشِّيب هي وجه مايعرفْ حشومة ولا عيب



***

باللسان

شحال من باخرة وصْلات

غير باللسان

شحال من فلوكة غرقاتْ

غير باللسان

شحال من مسكينة التَّحْناتْ

أو شحال من مدلولة نجْحاتْ

اللسان…

إي نجِّي وِ غرّقْ

يْجْمعْ وِ فرّقْ

المسمار إي طرّقْ

اللسان ماضي

فايْق أو جنابُوا حاضي

ميزان مغشوش

بالخير و الشر مرْشوشْ

إي برّدْ وِ حمِّي السوق

وَيَّاكْ!حلاوْتُو الذُّوقْ

اللسان قالوا زمان ما فيه عظم

إي هرّسْ لك اعظامكْ و سفْ لك الدمْ

تولِّي وسط الألسنة الطويلة اللي ما ترحمْ

***

اللي بغا يكبر شانو

يحرث مع قرانو


درجة بدرجة


حتى يحن مول الرجا

قالوا زمان :

زين المراة ف ضياها

وزين العاتق ف حياها

مراة المنحوس

ما هي مطلق ما هي عروس

حلفت العروسة ما تحب الحماه

حتى تبياض الفحمة

لا عجوزة تفلق

ولا راجل يطلق

الى شفتي موكة خطابة

عرف بلارج عريس

الى درتيها ف الرجالة ترجاها

والى درتيها ف النسا لا تنساها

حديث النسا يونس ويعلم الفهامة

يعملوا من الريح قلادة

و يحلقوا لك بلا ما

قالو زمان :

راح ديك الزمان وناسه

وجا هذ الزمان بفاسه

الي يتكلم بالحق

يهرسو له راسه

وريه وريه

ولى عما سير وخليه

الفقيه اللي ترجينا بركته

دخل الجامع بلغته

الناس ف الناس

و القرع ف مشيط الراس

الزين كيحشم على زينه

و الخايب الى هداه الله

قالوووووووووو زمان:

العين صعيبة

تقتل الكسيبة

وتخوي الزريبة

لهلا يسلطها على الحبيب والحبيبة

لو كان الصفيحة ترد العار

كن رداتو عل الحمار

قالو زمان :

اللي زْيانت ايامو َتيْشَيَّر بْكْمَامُو

دابا كلينا وشربنا ونسينا الحرابل باش سعينا

دخانهم عماناوطعامهم ما جانا

قالو زمان :

المدبوحة تتضحك عل المسلوخة


والمْقَطْعة طراف قالت دِّيوْنِي نْشُوفْ


حبوبة ف وجهي حكيتها

سال دمها

خليتها

زاد همها

قالو زمان

الله يرحم من زار وخفف



ـ برشيد خاوي وديور عامرة
ـ الزين تيحشم على زينوا والشين غير الى هداه الله
ـ تيقتل الميت ومشي فجنازتو
ـ سيدي الفيل زيدوه الفيلة
ـ الفار لمقلق منسعد القط
ـ الكرش الى شبعات تتقول للرأس غني
ـ قسوا فباطوا إبان اعياطو
ـ اللي قرصو الحنش تيخاف مللحبل
ـ الفم المسدود متدخلو دبانة




1- ادهن السير يسير .
2- كمشة ديال انحل احسن من قفة ديال الذبان .
3- اختار فاولاد اجرووة تجبد جرو .
4- الزين الا زين لفعال .
5- قد ما عندك قد ما تسوى.
6- قل لي مع من كتمشي انقول ليك اشكون انت .
7- الفار لمقلق من سعد القط .
8- الهم الى اكثر كيضحك .
9- اللي ما عندو هم اتخلقو ليه احمارتو .
10- لعمش في مملكة العميان هو السلطان .
11- اخدم يا التاعس للناعس.
12- شنعتو علي اوما غطى ودنية .
13- اللي درقك بخيط درقو بحيط.
14- الناس فالناس ولقرع في امشيط الراس .
15- اللي قال الهم اتقاضي ايعرض اللي جاي .
16- فرش لولاد الناس فاين اينعسو اولادك .
17- الزين كيحشم على زينو والخايب غير الى اهداه الله.
18- اسبع اصنايع والرزق ضايع.
19- الفاهم كيفهم والقاري كيتهجى.
20- اجديد ما مايلو جدة والبالي ما اتفرط فيه .
21- الى فاتك الهدرة قل اسمعت والى فاتك الكسعة قل اشبعت.
22- ما دير خير ما يطرى باس.
23- دوز على الواد الهرهوري وما دوز على الواد السكوتي.
24- اللي اتساحر مع ادراري كيصبح فاطر.
25- ارضيت بالهم والهم ما ارضى بي
26- حخلتو من لقطر اصبح كيفرق امعاي لبقر.
27- اربط تجبر ما اتسيب.
28- الوجه المشروك عمرو ما يتغسل.
29- الصنعة الى ما اغنات تستر .
30- حتى قط ما كيهرب من دار العرس.
31- جوع كلبك ايتبعك.
32- الهدرة بزاف واسكات احسن.
33- اللي اكلى دجاج الناس ايسمن ديالو.
34- البس قدك ايواتيك.
35- اللي انفخ على اللبن كيسعاه.
36- على وجه لكتاب كتباس الجلدة.
37- لفقيه اللي انتسناو براكتو ادخل الى اجامع ببلغتو.
38- اللي ابغها كلها كيخليها كلها .0
39- دير ما دار جارك والا حول باب دارك.
40- الحر بالغمزة والعبد بالدبزة.
41- اجمل كيشوف غير احديبة خوه.
42- اللي يتصاحب مع الكراب يتصاحب امعاه في الليالي .
43- حرك الماء ايبان العطشان.
44- سال لمجرب لا تسال اطبيب.
45- كيعطي الله الفول غير اللي ما عندو اضروس.
46- كل شاة كتعلق من اكرعها.
47- ما يدوم في القبر غير مولاه.
48- دبب على حمارك اتحج عليه.
49- صام حتى اعيى وافطر على اجرادة.
50- جوعي في كرشي واعنايتي في راسي.
51- خبزة تحت باطي ما اسمع حد اعياطي.
52- الشطاح ما كينسى هزة لكتف.
53- اللي كيشطح ما كيدرق وجهو.
54- اقلب البرمة على فمها تشبه البنت لامها.
55- ما كيكل وحدو غير الطبل.
56- اللي امغطي بمتاع الناس عريان هو .
57- اللي فيه شي اطبيعة ما ايبيعا.
58- اشكون داها فيك يا لحريرة واليوم العيد.
59- الراس اللي ما يدور كدية .
60- لفياق بكري بالذهب مشري.
61- اللي زربو ماتو .
62- النملة غير كيزغها الله كيديرلها اجناح.
63- يدك منك ولو اتكون مجدامة.
64- العين ما تعلى فوق الحاجب.
65- ضربو لحلقو ينسى اللي خلقو.
66- مائة تخميمة وتخميمة ولا ضربة بالمقص.
لو كان الخوخ يداوي لوكان داوى راسو
_____